२० भदौं । डलरको भाउ झनै महंगो भएको छ ।

आज १ डलरको नेपाली बजार भाउ १ सय १४ रुपैयाँ ८४ पैसा पुगेको छ । नेपाल राष्ट्र बैंकले अमेरिकी डलर १ को खरिद दर १ सय १४ रुपैयाँ २४ पैसा र बिक्रीदर १ सय १४ रुपैयाँ ८४ रुपैयाँ तोकेको छ ।

यसअघि गएको गएको शनिबार डलरको भाउ १ सय १३ रुपैयाँ ८९ पैसा पुगेको थियो । अन्तर्राष्ट्रिय बजारमा डलरको माग बढेको र डलरको तुलनामा भारतीय मुद्रा निक्कै कमजोर भएकाले नेपाली बजारमा पनि डलरको भाउ बढेको नेपाल राष्ट्र बैंकले जनाएको छ ।

अमेरिकी अर्थतन्त्र मजबुत बन्दै गएकाले पनि डलर महंगो हुँदै गएको राष्ट्र बैंकले जनाएको छ ।

Tags :

के तपाईं कुनै पनि रोजगारीको अवसर नपाएर हैरान हुनुहुन्छ ? अब चिन्ता नगर्नुस्, सरकारले तपाईंको योग्यता, सीपअनुसारको रोजगार उपलब्ध गराउने छ । यदि रोजगार उपलब्ध नभए ‘निर्वाह भत्ता’ दिनेछ ।श्रम, रोजगार तथा सामाजिक सुरक्षा मन्त्रालयले तयार गरेको ‘रोजगारीको हक सम्बन्धमा व्यवस्था गर्न बनेको विधेयक, २०७५’मा सरकारले बेरोजगार नागरिकलाई एक आर्थिक वर्षमा कम्तीमा १०० दिनको रोजगारीको सुनिश्चितता (ग्यारेन्टी) गराउने व्यवस्था गरेको छ ।विधेयकमा कुनै पनि रोजगारमा संलग्न नभएको वा न्यूनतम आयआर्जन हुने स्वरोजगारमा संलग्न नरहेका १८ देखि ५९ वर्ष उमेर समूहका नागरिकलाई एक आर्थिक वर्षमा न्यूनतम सय दिनको रोजगार उपलब्ध गराउने प्रस्ताव गरेको छ । यस कार्यक्रमलाई प्रभावकारी रुपमा लागू गर्न ७५३ वटै स्थानीय तहमा ‘रोजगार सेवा केन्द्र’ स्थापना गर्नुपर्ने व्यवस्था गरिएको छ ।

न्यूनतम रोजगारमा संलग्न हुन चाहेमा आफूसँग भएको सीप, योग्यता वा क्षमता उल्लेख गरी सेवा केन्द्रमा निवेदन दिन सक्नेछन् । केन्द्रले आफ्नो क्षेत्रभित्रका रोजगारदाताका लागि आवश्यक श्रमिकको उपलब्धता र सूचीकृत बेरोजगार व्यक्तिका लागि रोजगारीका अवसरसम्बन्धी सूचना उपलब्ध गराउनु पर्नेछ ।केन्द्रले सूचीकृत बेरोजगार व्यक्तिलाई ‘श्रमिक कार्ड’ समेत उपलब्ध गराउनेछ । सोही कार्डका आधारमा संघीय सरकार, प्रदेश सरकार, स्थानीय तह र कानूनबमोजिम दर्ता भएका रोजगारमूलक संस्थामा रोजगारीको व्यवस्था गरिने श्रम मन्त्रालयका प्रवक्ता प्रकाश दाहालले जानकारी दिनुभयो ।

श्रमिक कार्डबाहक बेरोजगारले आफू बसोबास गरेको स्थानीय तह वा अन्य स्थानमा गएरसमेत काम गर्न पाउनेछन् ।त्यस्तै विधेयकमा सेवा केन्द्रमा सूचीकृत बेरोजगार व्यक्तिलाई न्यूनतम रोजगार उपलब्ध गराउन नसकेमा निर्वाह भत्ता उपलब्ध गराइने व्यवस्था गरिएको छ । न्यूनतम रोजगार उपलब्ध गराउन नसके सरकारले तोकेको न्यूनतम पारिश्रमिकको १०० दिन बराबरको ५० प्रतिशत रकम निर्वाह भत्ताका रुपमा उपलब्ध गराउने प्रस्तावित विधेयकमा उल्लेख छ । अन्य क्षेत्रमा काम गर्ने श्रमिकको पारिश्रमिकसँग नबाझिने गरी सरकारले केही समयभित्रै पारिश्रमिकसम्बन्धी निर्णय गर्नेछ ।

बेरोजगार व्यक्तिले एक आर्थिक वर्षमा १०० दिनभन्दा कम अवधि मात्रै रोजगारी पाएमा १०० दिन पुग्न बाँकी अवधिको मन्त्रालयले तोकेको न्यूनतम पारिश्रमिकको ५० प्रतिशत बराबरको रकम मात्र निर्वाह भत्ता उपलब्ध गराउनेछ ।रोजगार दिने प्रक्रियामा कुनै खास वर्ग वा समुदायका लागि विशेष व्यवस्था गरेको अवस्थामा बाहेक उत्पति, धर्म, वर्ण, जातजाति, लिङ्ग, भाषा, क्षेत्र र वैचारिक आस्थाका आधारमा भेदभाव गर्न पाइने छैन ।

रोजगारीमा रहेका व्यक्तिलाई बिना कारण रोजगारीबाट हटाउन नपाइने व्यवस्थासमेत गरिएको छ ।रोजगारीको हक संरक्षणसम्बन्धी कामकारबाहीको सञ्चालन, रेखदेख तथा निर्देशन गर्न श्रममन्त्री वा राज्यमन्त्रीको अध्यक्षतामा निर्देशक समितिको गठन गर्न सकिने व्यवस्था विधेयकमा उल्लेख छ । समितिले बेरोजगार व्यक्तिका लागि रोजगार वा स्वरोजगारको व्यवस्था गर्न आवश्यक नीति नेपाल सरकारसमक्ष सिफारिश गर्ने तथा बेरोजगार व्यक्तिलाई राज्यको तर्फबाट उपलब्ध गराइने बेरोजगारी सहायतासम्बन्धी नीति कार्यक्रम तयार गर्नेछ । सरकारले प्रत्येक नागरिकलाई रोजगारीको हक सुनिश्चित गरी क्षमताअनुसारको रोजगारी छनोट गर्ने अवसर प्रदान गर्न विधेयक तयार गरेको हो ।

आव २०७५÷७६ को नीति तथा कार्यक्रममा पाँच वर्षभित्र रोजगारीका लागि विदेश जानुपर्ने स्थितिको अन्त्य गर्न ‘प्रधानमन्त्री रोजगार कार्यक्रम’ घोषणा गरिएको थियो । रोजगारीका अवसरका सम्भाव्य क्षेत्र पहिचान, रोजगारीका लागि व्यावसायिक सीप विकास गर्न र देशभर व्यापक रोजगारीको अवसर सिर्जना गरिने नीति कार्यक्रममा समेटिएको थियो ।तीन अर्ब बजेट -श्रम मन्त्रालयले १०० दिने रोजगारीको कार्यक्रम कार्यान्वन गर्न चालु आवमा रु तीन अर्ब १० करोड बजेट विनियोजन गरेको छ ।

स्थानीय तहले उपलब्ध गराउने रोजगारीको अवसर र केन्द्रमा सूचीकृत बेरोजगाको संख्याका आधारमा बजेट उपलब्ध गराइने मन्त्रालयले जनाएको छ ।अभियानलाई पूर्णरुपमा सञ्चालन गराउन आवश्यक बजेटका लागि अर्थ मन्त्रालयसँग परामर्श भइरहेको प्रवक्ता दाहालले बताउनुभयो । ‘रोजगारीको हकसम्बन्धी ऐन, २०७५’ कार्यान्वयनका लागि आवश्यक नियमावली, कार्यविधि तथा निर्देशिका निर्माणको चरणमा रहेको मन्त्रालयले जनाएको छ । उक्त विधेयकलाई मन्त्रिपरिषद्को बैठकले संघीय संसद्मा पेश गर्ने निर्णय समेत गरिसकेको छ । आगामी असोज २ गतेभित्र मौलिक हक सम्बन्धीसम्पूर्ण कानून संघीय संसद्बाट पारित हुनुपर्ने संवैधानिक प्रावधान छ ।

Tags :

कालिमाटी तरकारी बजारमा सोमबार दिनभर तनाव भयो । व्यापारीले चरम कालोबजारी गरेको सूचना पाएपछि मिर्मिरेमै वाणिज्य आपूर्ति तथा उपभोक्ता संरक्षण विभागका अधिकारी बजार अनुगमनमा पुगे ।

उद्योग, वाणिज्य तथा आपूर्तिमन्त्री मातृका यादवको ठाडो निर्देशनमै अनुमगमन टोली पुगेको थियो । तर, विभागका अधिकृत दीपकराज पोखरेल नेतृत्वको उपभोक्ता अधिकारकर्मीको टोलीलाई अनुगमन सहज भएन । आजको नयाँ पत्रिका दैनिकमा यो समाचार छापिएको छ ।

अनुगमन समितिले कालिमाटीमा तरकारी ल्याइने मुख्य जिल्लाका किसानको खेतमै पुगेर अनुगमन गरेको थियो । धादिङ, मकवानपुर, ललितपुरलगायत जिल्लाका किसानले खेतबाट बेच्ने तरकारीको मूल्य र कालिमाटी बजारमा उही तरकारीको मूल्यमा व्यापक अन्तर भेटिएको छ ।

‘कृषकको खेतबाट १८ रुपैयाँदेखि ३५ रुपैयाँसम्ममा काउली बेचिएको पाइयो,’ वाणिज्य, आपूर्ति तथा उपभोक्ता संरक्षण विभागका अधिकृत दीपकराज पोखरेलले भने, ‘त्यही तरकारी कालिमाटी बजारमा आइपुगेपछि १ सय १० रुपैयाँ प्रतिकिलोसम्म बेचिएको पाइएको छ ।’

किसानको खेतदेखि तरकारी बजारसम्म आइपुग्दा तरकारीको मूल्य चारगुणासम्म बढेको पाइएको अनुगमन टोलीमा सहभागी उपभोक्ता अनुसन्धान मञ्चका अध्यक्ष माधव तिमल्सिनाले बताए ।

‘तरकारी व्यापारका बिचौलियाको धेरैवटा तह पाइएको छ,’ उनले भने, ‘यसले गर्दा तरकारी उत्पादक किसान र उपभोक्ता दुवै ठगिने तथा बिचौलियाले मात्र अनुचित लाभ कमाउने अवस्था देखिएको छ ।’

Tags :

कालिमाटी तरकारी बजारमा सोमबार दिनभर तनाव भयो । व्यापारीले चरम कालोबजारी गरेको सूचना पाएपछि मिर्मिरेमै वाणिज्य आपूर्ति तथा उपभोक्ता संरक्षण विभागका अधिकारी बजार अनुगमनमा पुगे ।

उद्योग, वाणिज्य तथा आपूर्तिमन्त्री मातृका यादवको ठाडो निर्देशनमै अनुमगमन टोली पुगेको थियो । तर, विभागका अधिकृत दीपकराज पोखरेल नेतृत्वको उपभोक्ता अधिकारकर्मीको टोलीलाई अनुगमन सहज भएन । आजको नयाँ पत्रिका दैनिकमा यो समाचार छापिएको छ ।

अनुगमन समितिले कालिमाटीमा तरकारी ल्याइने मुख्य जिल्लाका किसानको खेतमै पुगेर अनुगमन गरेको थियो । धादिङ, मकवानपुर, ललितपुरलगायत जिल्लाका किसानले खेतबाट बेच्ने तरकारीको मूल्य र कालिमाटी बजारमा उही तरकारीको मूल्यमा व्यापक अन्तर भेटिएको छ ।

‘कृषकको खेतबाट १८ रुपैयाँदेखि ३५ रुपैयाँसम्ममा काउली बेचिएको पाइयो,’ वाणिज्य, आपूर्ति तथा उपभोक्ता संरक्षण विभागका अधिकृत दीपकराज पोखरेलले भने, ‘त्यही तरकारी कालिमाटी बजारमा आइपुगेपछि १ सय १० रुपैयाँ प्रतिकिलोसम्म बेचिएको पाइएको छ ।’

किसानको खेतदेखि तरकारी बजारसम्म आइपुग्दा तरकारीको मूल्य चारगुणासम्म बढेको पाइएको अनुगमन टोलीमा सहभागी उपभोक्ता अनुसन्धान मञ्चका अध्यक्ष माधव तिमल्सिनाले बताए ।

‘तरकारी व्यापारका बिचौलियाको धेरैवटा तह पाइएको छ,’ उनले भने, ‘यसले गर्दा तरकारी उत्पादक किसान र उपभोक्ता दुवै ठगिने तथा बिचौलियाले मात्र अनुचित लाभ कमाउने अवस्था देखिएको छ ।’

Tags :

नेपाली कलाक्षेत्रमा हिरो, हिरोइन, मोडल, गायकगायिका सधैँ चर्चामा रहन्छन् । यिनका व्यस्तता, बेलाबोलमा बाहिर आउने प्रेमसम्बन्ध र काम समेत चर्चाको बिषय बन्ने गर्दछ । यिनका तुलनामा बालकलाकारको भने जति राम्रो काम गरेपनि, जुनै किर्तिमान कायम गरेपनि चर्चा भने भएको पाइँदैन । विश्वकिर्तिमान बनाउने देखि युट्युबमा भाइरल हुने ७ बालकलाकार आजको चर्चाको बिषय हो ।

सौगात बिष्ट 
सौगात अहिलेसम्मकै विश्वका कान्छा निर्देशक हुन् । उनले करिब २ वर्ष अगाडि ‘लभ यू बाबा’ चलचित्र निर्देशक गरेर वल्र्ड रेकर्ड बनाएका थिए । उनले ८ वर्षको उमेर यो चलचित्र निर्देशन गरेका थिए । पहिलो चलचित्रबाट ‘गिनिज वल्र्ड रेकर्ड’ राख्न सफल उनलाई यो सफलताका कारण देशका सानादेखि प्रतिष्ठित संघ संस्थासम्मले सम्मान दिएका छन् । उनी निर्देशित ‘लभ यु बाबा’ले व्यावसायिक रेकर्ड बनाउन नसकेपनि दर्शक तथा समिक्षक रुझाउन भने सफल भएको थियो । बाबु छोरी बीचको प्रेम देखाउन खोजेको यो चलचित्र पछि सौगातले ‘हैरान’ बनाए । केही पहिले प्रदर्शनमा आएको ‘हैरान’मा सामायिक बिवाय उठाइएको थियो । यसले लगानी सुरक्षित गरेको निर्माण युनिटको भनाई रहेको छ । अहिले ११ वर्ष पुगेका सौगात ६ कक्षा अध्यायनरत छन् ।

अनुभव रेग्मी 
‘नाई न भन्नु ल २’ अभिनयबाट दर्शकको नोटिसमा परेका अनुभव रेग्मी नेपालकै सबैभन्दा चर्चित बालकलाकार हुन् । उनी अहिले हिरो समेत भएका छन् । ‘नाई न भन्नु ल’को पाँचौ सिक्वेलमा आएर उनी हिरोको रुपमा देखिन लागेका हुन् । चलचित्र ८ भदौबाट प्रदर्शनमा आउँदैछ । अनुभवले ‘नाई न भन्नु ल’को तेस्रो र चौथो सिक्ेलमा पनि काम गरेका थिए । चलचित्र ‘भिसा गर्ल’बाट अभिनय यात्रा प्रारम्भ गरेका अनुभवको क्रेज कुनै स्टारभन्दा कम छैन । उनको अभिनयको प्रशंसा के बालक, के बृद्धा, के युवा सबैले गर्ने गरेका छन् । ‘ए मेरो हजुर २’, ‘रिदम’, ‘काली’, र ‘लुटेरा’ मा पनि उनको अभिनय रहेको थियो । २०६४ सालमा जन्मिएका उनी अहिले ११ बर्षका पुगे ।

एन्जल राई 

एन्जल चलचित्र क्षेत्रमा सानी परी भनेर चिनिने गर्दछिन् । केही पहिले प्रदर्शनमा आएको चलचित्र ‘हैरान’मा सडक बालिका ‘प्रियासा’को भूमिका निर्वाह गरेकी उनले यो भूमिकाबाट दर्शक तथा समिक्षक दुबैको ताली र तारिफ बटुलेकी थिइन् । भर्खर १० बर्षमा टेकेकी एन्जलले ९ चलचित्र, केही डकुमेन्ट्री र म्युजिक भिडियो समेत अभिनय गरिसकेकी छन् । ‘हैरान’ अगाडि उनको ‘जोनी जेन्टलम्यान’ आएको थियो । ‘फेरि फेरि’लगायत केही चलचित्र प्रदर्शनमा आउँन बाँकी छन् । चर्चित अभिनेता अनमोल केसीको ‘क्याप्टेन’ र अर्काे ‘यात्रा’ ः अ म्युजिकल ब्लग’ उनले भर्खर अभिनय सकाएको चलचित्र हो । ६ वर्षकको उमेरमा ‘ड्याडी आई लभ यू’ गीतको भिडियो मोडलिङ गरेर अभिनय थालेकी उनीसँग दुई हलिउड चलचित्र अभिनय अनुभव पनि छ । अभिनय र मोडलिङमा रुचि भएकी उनको भविष्यमा सफल हिरोइन बन्ने लक्ष्य छ । उनी अहिले ५ कक्षामा अध्ययनरत छिन् ।

कुशाग्र भट्टराई 

तीन वर्षकै उमेरमा पशुपति बिस्कुटको टिभिसीमा मोडलिङ गर्दै अभिनय क्षेत्रमा उत्रिएका कुशाग्र भट्टराई अहिले ९ बर्ष पुगेका छन् । कलाकारिताको ६ बर्षको अवधिमा उनले दर्जनौं टेलिभिजन तथा पेपर एडमा समेत मोडलिङ गरिसकेका छन् । आधा दर्जनबढि म्युजिक भिडियोमा अभिनय गरिसकेका उनले गोपालचन्द्र लामिछाने छोटो चलचित्र ‘ओह माइ म्यान’ बाट चलचित्र डेब्यु गरेका हुन् । उक्त चलचित्रमा उत्कृष्ट अभिनय गरेपछि निर्देशक लामिछानेले उनलाई आफ्नै निर्देशनमा बनेको चलचित्र ‘लम्फू’ मा अनुबन्ध गरेका थिए । यसको अलवा उनले निखिल उप्रेतीको ‘पि“जडा ब्याक अगेन’मा पनि काम गरेका थिए । वर्ष २०७४ मा प्रदर्शन भएको यो चलचित्रबाट उनले डि सिने एवार्ड–२०७५ समेत थापे । गत बैशाखमा प्दर्शनमा आएको ‘कोहलपुर एक्सप्रेस’मा समेत देखिएका उनील केकी अधिकारी, बुद्धि तामाङ, प्रियंका कार्की, बिनोद न्यौपानेसग समेत स्क्रिन शेयर गरिसकेका छन् । शान्तिनगर स्थित बेबिलोन नेशनल स्कूलमा कक्ष्ाँ ४ मा अध्ययनरत कुशाग्रले झण्डै एक दर्जन जति ¥याम्प फेसन शोमा समेत क्याटवाक गरेका छन् । चलचित्रको छायाँकनको क्रममा नेपालगञ्ज, कोहलपुर, पर्वत, पाल्पा, बुटबल लगायत क्षेत्रको भ्रमण गरिसकेका कुशाग्रलाई यतिबेला झण्डै आधा दर्जन चलचित्रबाट अभिनयका लागि प्रस्ताव आएको परिवारले जनाएका छन् । दसैंअघि नै छायाँंकन हुने केही चलचित्रमा आफ्नो भूमिका प्रभावकारी रहेको भट्टराईको भनाइ छ ।  कोटेश्वर, काठमाडौं निवासी कुशाग्र पत्रकार कृष्ण भट्टराईका छोरा हुन् ।

आयुव सेन 

आयुव यसै बर्षबाट अभिनयमा देखिएका बालक हुन् । उनले अभिनय गरेको चलचित्र ‘मेरी मामु’ १५ भदौबाट प्रदर्शनमा आउँदैछ । तर उनी अहिले नै दर्शकको नोटिसमा पर्न सफल भएका छन् । केही पहिले उनी अभिनित ‘मेरी मामु’को एक गीत सार्वजनिक भएको थियो । उक्त गीतमा उनले गरेको अभिनयको धेरैले खुलेरै तारिफ गरेका छन् । ६ वर्षीया बालक आयूब यो ‘मेरी मामु’ चलचित्रको मुख्य हिरो नै हुन् । ‘आमा र छोरा बिचको प्रेमकथामा’ चलचित्र बनेको छ । अनामनगरस्थित मण्डला थिएटरमा केही महिनाको प्रशिक्षण सहित अभिनयमा होमिएका आयुब ‘चंखे शंखे पंखे’, ‘प्रेमगीत’, ‘प्रेम गीत २’ निर्माता सन्तोस सेनका छोरा हुन् । सन्तोशले आसुसेन फिल्मस्को ब्यानरमा उनलाई डेब्यु गराएका हुन् ।

अशोक दर्जी 

झापाको सडकमा गीत गाउँदै हिड्दाको एक भिडियो युट्युवमा आएपछि भाइरल भएका अशोक दर्जी नेपाली कलाक्षेत्रको पछिल्लो समयका सबैभन्दा बढी हिट बालकलाकार हुन् । उनको चर्चा अहिले देश तथा बिदेशमा हुने गरेको छ । फेसवुक, ट्वीटर र युट्युवहरुमा भाइरल बन्न सफल उनले हालै ‘मन बिनाको धन ठूलो, कि धन बिनाको मन’बोलको गीत गाए । उनको यो गीत पनि देश तथा बिदेशमा मन पराइएको छ । युट्यवमा भाइरल भएपछि संगीतकार टंक बुढाथोकीले उनलाई काठमाडौँ ल्याएका थिए । छोटो समयमै थुपै स्वदेशी र केही बिदेशी कार्यक्रम अफर पाएका दर्जीको चर्चासँगै जीवनमा पनि परिवर्तन आएके छ । राम्रोसँग दैनिक हातमुख जोर्न आमाबुबाबाट असम्भव भएपछि गीत गाउँदै बटुवाले दिने रकम संकल गर्दै हिडेका असोकको नाममा उनको घर बनाउनेदेखि अध्यायन गराउने सम्म अभिनयान अहिले चलेका छन् ।

प्रेम परियार 

करिब ७ बर्ष अगाडि कलाकार शिशिर राणा काठमाडौँबाट पोखरा जाँदै थिए । मलेखुस्थित एउटा होटलमा खाजा खान ओर्लदा सानो बालकले सुमधुर स्वरमा गीत गाएको देखेर प्रभावित बने । दोस्रोपटक शिशिरले संगीतकार महेश खड्कालाई उनको घरसम्मै लिएर पुगे । त्यहाँ ती बालकको स्वरलाई अनौपचारिक जाँच गराए । संगीतकार महेश खड्का पनि प्रभावित बने । अन्ततः ती बालकलाई रेडियो नेपालको सिंहदरबारस्थित स्टुडियोसम्म ल्याइयो र गीत गाउन लगाइयो । प्रेम परियार तिनै बालक थिए । जो यो समय सर्वाधिक चर्चामा रहन पुगे । सडकमा दैनिक ओहोर–दोहोर गर्ने सयौँ यात्रुहरुलाई गीत सुनाउने उनले  चलचित्र ‘नभन्नु ल २’मा ‘यी आँखामा तिमी छ्यौ’, ‘मान्छे नमर्ने शहर हुँदैन’ गाए । जुन गीत सर्वाधिक हिट भयो । गीतकै कारण चलचित्रले समेत ब्यवसाय गर्यो । ‘नाइ नभन्नु ल–२’ मा शीर्ष गीत गाएर तहल्का मच्चाएका प्रेमले हङकङ, कोरिया, कतार र अष्ट्रेलिया लगायत थुप्रै देश चारिसकेका छन् । सुरिलो आवाजले मन्त्रमुग्ध पार्ने उनले अहिलेसम्म करिब दुई दर्जन बढि गीत गाइसकेका छन् । एकाएक राष्ट्रियस्तरमा चिनिएका प्रेम सो समय वयष्क गायकका लागि पनि चुनौतीका पात्र समेत बनेका थिए । प्रेम अहिले भने गुमनाम छन् । 

Tags :

क्यान एजुकेशन फाण्डेशनको संरक्षणमा रहेका बालबालिकाको सहयोगार्थ रशलाइट मिडिया र जोजोलोप्पा कलेक्सनको आयोजनामा १ भदौंमा ‘जोजोलोप्पा फेशन रनवे २०१८’ हुने भएको छ ।  नायिका सञ्चिता लुँईटेल र मोडल तथा कोरियोग्राफर जयन सुब्बा मानन्धर शोस्टपर्सको रुपमा रहने फेसन शोमा एक दर्जनभन्दा बढी मोडलहरु र्याम्पमा उत्रने छन् । डिजाइनर प्रतिमा मर्हजनका डिजाइनहरुमा मोडलले र्याम्प प्रस्तुत गर्नेछन् ।

चर्चित कलाकारको सांगितिक प्रस्तुति पनि रहेन शोमा गायिका तथा मोडल रमिता भण्डारीको कोरियोग्राफी रहनेछ । ललितपुरको इन्द्रेणी ब्याक्वेटमा हुने शोबाट उठेको रकम नेपालमा रहेका स्कुल जानबाट बञ्चित बालबालिकाहरुलाई खर्च गरिने क्यान एजुकेशन फाण्डेशनका अध्यक्ष रत्न राईले बताए । 

Tags :

 

सरकारले घोषणा गरेको न्यूनतम पारिश्रमले आफूहरुको श्रमको अपमान गरेको भन्दै नेपाल कम्युनिष्ट पार्टी निकटसहित १४ मजदूर संगठनहरुले नयाँ आन्दोनलका कार्यक्रम घोषणा गरेका छन् ।  संयुक्त ट्रेड युनियन संघर्ष समितिले आधारभूत पारिश्रमिक २२ हजार तोक्न माग पनि गरेका छन् ।

शुक्रबार काठमाडौमा संयुक्त पत्रकार सम्मेलन गर्दै मजदूर संगठनहरुले साउन १५ गतेको निर्णय खारेज गर्नुपर्ने आफ्नो मागलाई सरकारले बेवास्ता गरेको गुनासो गरे । उनीहरुले सरकारले आफ्ना मागप्रति वेवास्ता गरेकाले संघर्षका नयाँ कार्यक्रम घोषणा गरेको बताए ।

यसअघि सरकारले मजदूरहरुको न्यूनतम पारिश्रमिक १३ हजार ४५ रुपैयाँ तोकेको थियो । पत्रकार सम्मेलनमा वितरित विज्ञप्तिमा आन्दोलनमा राष्ट्रिय प्रजातान्त्रिक ट्रेड युनियन महासंघका महासचिव रामेश्वर श्रेष्ठ, स्वतन्त्र प्रजातान्त्रिक ट्रेड युनियन महासंघ नेपालका महासचिव खगेन्द्र प्याकुरेल, राष्ट्रिय प्रजातान्त्रिक ट्रेड युनियन महासंघ नेपालका अध्यक्ष चिरागमानसिंह कुँवर, राष्ट्रिय (हाल समाजवादी) लोकतान्त्रिक ट्रेड युनियन महासंघ स्वतन्त्रका अध्यक्ष नवराज दहाल,.मधेसी ट्रेड युनियन महासंघका अध्यक्ष पल्टन ठाकुर, नेपाल ट्रेड युनियन महासंघ स्वतन्त्रका अध्यक्ष इन्द्रदेव मिश्रको हस्ताक्षर छ ।

त्यस्तै, राष्ट्रिय कर्मचारी महासंघ नेपाल, अध्यक्ष गोपालसिंह धामी, नेपाल समाजवादी ट्रेड युनियन महासंघका अध्यक्ष लालध्वज नेम्वाङ, नेपाल ट्रेड युनियन फेडरेशन, अध्यक्ष मधु बिसी, अखिल नेपाल क्रान्तिकारी ट्रेड युनियन महासंघका अध्यक्ष ईश्वर तिमिल्सेना, प्रगतिशिल नेपाल स्वतन्त्र ट्रेड युनियन महासंघका अध्यक्ष केदार गिरी, अखिल नेपाल ट्रेड युनियन महासंघका अध्यक्ष नारायण सापकोटा, क्रान्तिकारी ट्रेड युनियन महासंघ नेपालका अध्यक्ष राजन तिमिल्सेना र अखिल नेपाल क्रान्तिकारी ट्रेड युनियन महासंघका अध्यक्ष अमर झाक्रीले पनि हस्ताक्षर गरेका छन् ।

Tags :

सिधा प्रश्न कार्यक्रम बन्द गर्ने संचारमन्त्रिलाई बोलाएर सिधा कुरा गर्दै रबि लामिछाने (भिडियो हेर्नुहोस)

Tags :

एजेन्सी । विश्व फुटबलको महासंग्राम रुस विश्वकप २०१८ को उद्घाटन खेलमा आयोजक रुसले सुरुवाती अग्रता लिएको छ ।

रुसले साउदी अरबविरुद्ध एक गोल गरेको हो । खेलको १२ मिनेटमा रुसले गोल गरेको हो । अलेसान्ड्र गोलोभिनको क्रसमा लरी गाजन्सकीले हेडरमार्फत आकर्षक गोल गरेका हुन् ।

पहिलो हाफ जारी छ । साउदी अरब खेलमा फर्कने प्रयास गरिरहेको छ । रुस विश्व वरियतामा साउदीभन्दा कमजोर टोली भएपनि आयोजक राष्ट्रले अहिलेसम्म उद्घाटन खेलमा हारेको इतिहास छैन् ।

Tags :

फुटबलको महाकुम्भ फिफा विश्वकप प्रतियोगिताको उद्घाटनमा खेलमा आयोजक रुस र साउदी अरेबिया आमनेसामने हुँदैछन् ।

रुसको राजधानी मस्कोको लुझनिकी रंगशालामा आज राति नेपाली समयअनुसार ८ः१५ बजे उद्घाटन हुनेछ भने ८ः४५ बजे विजयी लक्ष्यका साथ दुवै टोली मैदानमा उत्रदैँछन् । करीब ८० हजार दर्शक क्षमता भएको उक्त रंगशालामा ५०० कलाकारले विश्वकप उद्घाटनमा आआफ्नो प्रस्तुति पस्किेछन् ।

त्यस्तै विश्वकपको इतिहास हेर्दा अहिलेसम्म कुनै पनि आयोजक राष्ट्र उद्घाटन खेलमा हारेको अभिलेख छैन । सन् १९७० मा मेक्सिकोमा भएको विश्वकपमा तत्कालीन सोभियत संघले उद्घाटन खेल खेलेको थियो जसमा खेल बराबरीमा टुङ्गिएको थियो । त्यस्तै सोभियत सङ्घले सन् १९६६ को विश्वकपमा सेमिफाइनलसम्म यात्रा तय गरेको थियो । यता साउदी अरबले भने सन् २०१० र २०१४ मा विश्वकपमा खेल्न पाएको थियो भने सन् १९९४ को विश्वकपमा प्रिक्वार्टर फाइनलसम्मको यात्रा तय गरेको थियो ।

Tags :